股市跳樓機

現在的港股, 已不是坐過山車咁簡單, 而是坐跳樓機! 昨天才跌2千點, 今天又回升2千300點, 兩日的淨升幅是上升300點。遲d會唔會單日波幅4千點?

學林sir講, 現在的市場已不是牛市, 也不是熊市, 而是狼市! 對沖基金要利用波幅來賺大錢! 今日與昨日, 藍籌股竟當仙股咁炒! 匯控升11.3%, 中移動升10.4%, 建行升16%, 人壽升15.7%!! 昨日被震走的散戶真是欲哭無淚, 昨日炒孖展被迫斬倉的又是慘... 唉, 面對跳樓機式的波幅, 一動不如一靜, 坐係度睇煙花算了。

有錢在昨日入市的人, 真係要講聲恭喜。雖然今日大升, 但又可能係最後一波俾你走人, 可能之後會再大插都未定。不過, 世界上專業的人很多, 他們都識計數, 美國放緩, 即使衰退, 會對中國有多大影響? 資金會流向哪裡(肯定唔會係美國和日本, 又未必是歐洲, 因為美元貶值會把衰退傳給歐洲)? 會唔會任恆指跌破2萬點, 甚麼1萬9千點? 3月是業績月, 到時恆指PE又會回落。你是基金經理, 會點揀?