百廢待興

今日是平安夜, 亦是朗咸平那科M&A最後交final report的日期。中午就交了給TA, 希望安全無事啦, 不要被打回頭啦, 因為教授已講過, 每打回頭一次, 就扣10%。交了final report, 成個人都鬆晒! 我的聖誕願望就是, report不要打回頭!

今日公司4點就可以走人, 今日終於輕鬆d, 可以準時4點走人, yeah! 返到屋企, 呆了一陣, 完全不習慣這麼早就回到家(真犯賤...)。一個多月無做gym啦, 今日終於可以做, 但舉的重量只有兩個月前的60%, 好慘..... 應該說, 一個多月無做任何運動, 連打網球也停了。

回想過去一個月, 真是地獄式生活, 唉。又不知怎樣, 手指尾染上真菌, 生「蘚」, 脫皮, 試過一次打網球, 但打完隻手指尾爆皮, 見肉, 痛死。現在唯有暫時不打網球, 但要休息多久? 不知....再想想為何染真菌, 可能我隻拍一個多月無打所生的霉感染的, 但又不知為何只是尾指, 但也慶幸只是尾指! 希望快點好啦, 無波打的日子很難過。

做完gym, 才6時半, 於是開始執拾書枱, 自從9月開學以來, 就無時間執拾書枱, 銀行月結單、筆記、廢紙堆了很多。4個月來都看不見桌面。最後丟了一袋廢紙, 終於見到桌面啦!

仲有好多事情等著做, 真是「百廢待興」。