風雲2是垃圾

2009年12月18日星期五, 和肥傑和小蟲到旺角睇《風雲2》, 只因10年前的風雲情義結。但睇完真係好失望, 甚至在打字幕的一刻, 我同自己講「下?做完啦?」。無劇情, 又鬼咁多慢鏡拖時間, 打鬥絕不精彩, 阿sa的角色都好多餘。走出戲院, 人人都「小」晒。我同小蟲都一致認為最型的不是風和雲, 而是何家勁扮的無名, 不愧是展大俠。

都好, 完了風雲結, 因為我不會再對風雲3有興趣和有期望。

這出片都可說是和「中華英雄」一樣咁垃圾。無獨有偶，當年又是和肥傑和小蟲在同一間戲院睇中華英雄, 又是一走出場就大叫垃圾......唯一不同的是當年買的是學生票。

我真係唔想再去旺角, 實在太多太多人, 遲d會變成24小時不夜天。不單止, 星期五的金鐘站特別多人轉車, 人潮佔了月台一半地方。等了3班車, 只踏前了2步, 唯有再上車到中環, 再由中環去旺角, 唉....可能我甚少星期五放工過海, 少見多怪吧。