在晴朗的一天出發

8點半起床, 天朗氣清, 吃過早餐, 就在晴朗的一天出發, 開始連續10天的溫書假期。

10點鐘返到科大, 循例走到拉把一樓搵個靠窗口位, 靜心地溫書。始終在這種環境溫書係最舒適和最專心的。

12點都未夠, 就覺得肚餓, 於是走去LG5食飯。從未試過咁早在科大食飯! 走過兩"食送"飯個counter, 哇, 見到好多選擇, 竟然有清蒸鯇魚腩一大盤, 即時買飛排隊。條隊好長, 有好多好似地盤工人的阿叔。終於到我啦, 一睇, 剛才一大盤的清蒸鯇魚腩只剩下幾塊, 心諗: 班阿叔真係識食。最後都成功叫左清蒸鯇魚腩和豆卜燜斑腩, 正!

食完, 照舊又坐返那個位, 又專心溫書。專心時, 溫書速度真係快, cfa的fix-income那部份已完成一半, 再翻去後面睇下derivatives有幾多, 發覺好多topic在依家讀緊的master教左, 都幾放心, 原來並唔係想像中咁難!

計劃十天內完成大部分fix-income and derivatives, 再加一本econ and acct。都係唔好諗咁多, 盡讀。

p.s. 今日陽光充沛, 沿途的樹都很綠, 第一次覺得科大周圍都充滿色彩。太陽晒在科大的宿舍屋頂上, 第一次感覺d屋好似地中海果d白色屋, 好靚。接觸攝影後, 對環境裡的形狀和色彩都敏感了。原來我讀大學咁多年, 都錯過了呢d美好事物。