香港人在廣州

香港人對外(特別是在內地)的購買力不斷在減弱。我每年返廣州幾次, 每年都要用人仔, 感受最深。

2年前, 1港元仍可換多於1人仔, 再加上2年前廣州的物價仍未上漲, 所以那時「香港搵錢廣州洗, 很見洗」, 例如2年前一班人(12人)去茶樓飲茶, 人人食到飽到唔想食, 埋單唔使120人仔, 而當時在香港, 4至5人已是這個數了(仲要在特價時段)。當時買野, 只要貨品(如衣服, 食品)和香港賣的差不多, 都一定在廣州買。最好例子是03,04年在大學住宿, 每次返廣州都會帶回一大批內地食品, 例如腸仔、即食面、餅乾等(的確可以省回不少)。

今時今日, 12人去飲茶要近200人仔, 這是低檔酒樓的價錢, 中檔的要超200人仔。在街見到衫褲鞋襪, 看看價錢, 想想兌換價, 都是回香港買算了, 仲唔使「帶餐死」。今年在廣州收利是, 封封人仔, 正。

其實港元同美元掛鈎, 美元係咁貶值, 港元對其他貨幣其實也係咁貶值。

都係講番人仔。查看yahoo財經, 2年前1港元兌1.031人仔; 今年2月, 1港元兌0.917人仔, 假設今年6月人仔再升值3%, 08年6月時, 1港元兌0.893人仔。

2年前(2006年6月)大學畢業, 那年大學生的平均月薪是1萬多少少, 就當1萬港紙, 等同$10309人仔。假設之後每年加薪10%(一般畢業生初初加薪的百分比應該高於市場的5%), 咁2008年6月的月薪為$12100港元, 以那時的假設兌換率, 即是$10805人仔, 咁即係話2年間月薪只是增加4.8%!

面對內地通脹升溫(升了很難跌下, 預計仍會持續慢慢上升), 人仔升值, 港紙貶值, 香港人在廣州的購買力不斷下降。都係時候趕快把手上港紙換成人仔為上策, 起碼要夠我返廣州時的洗費。