CFA肥左啦

CFA Level 2 肥左lu, 雖然有d失望, 但總算盡左努力。會唔會再考? 唔會啦~
現在回想當時的情況, 真係好好好辛苦呀......

個report話我個score band 係10, "If your score band is reported as 10, you scored in the top 10% of all failed candidates", 即係緊緊肥?

再睇番每一part的成績, 又真係僅僅肥:
(括號內是比重)
Above 70%: Corporate Finance(36), Derivatives(36), Economics(18), Equity Investments(72)
51-70%: Financial Reporting & Analysis(72), Fixed Income Investments(36)
Below 50%: Alternative Investments(18), Ethical & Professional Standards(36), Portfolio Management(18), Quantitative Methods(18)

Above 70%的好多都是重磅, below 50%的是輕磅...............無野講。

又回想當年會考英文, 第一次是CCCD, 結果得D(oral, 最輕磅), 第二次再考, BCBB, 結果得C。

人生就是這樣, 付出了未必有回報, 但不付出, 就一定不會有回報。

小太陽

太陽像那大紅花，
在那東方天邊掛，
圓圓臉兒害羞像紅霞，
只是笑不說話。

太陽像個大南瓜，
在那高高天空掛，
照得滿山歡樂融融，
草兒發嫩芽。

大嘴巴，笑哈哈，
落了也要往上爬，
敬它，愛它，
我把心兒交給它。

太陽倦了便回家，
夜裏有些少驚怕，
明晨月兒落旭日重來，
依舊往上爬。

小朋友真有趣

2009年8月9日, 星期日, 能夠悠閒地在家裡休息, 聽著881電台的一個小朋友遊戲節目。今日的小朋友好有趣, 連主持也沒他們辦法, 要寫個服字。以下是兩段對白, 我都笑了出來。

第一段:
主持: 你鐘意睇咩書啊?
小朋友A: 歷史。
主持: 哇, 咁中史定西史先?
小朋友A: 中史。
主持: 咁講個中史人物名黎聽下?
小朋友A: er......一時諗唔起wor.....
主持: 咁司馬遷聽過未呀?
小朋友A: 聽過!
主持: 咁司馬遷係咩人呀?
小朋友A: 中國人!
主持: 你搞gag啊! 我想問司馬遷做咩職業?
小朋友A: 寫史記果個lor!
主持: 係勁wor!

第二段:
主持: 你學過最深的一個英文字係咩呀?
小朋友B: archaeologist。(考古學家, 我都唔識....=.= )
主持: 哇, 咁深呀, 串黎聽下?
(小朋友B串左好耐都串唔準, 卒之....)
小朋友B: a...r....c...h....a....e...o...l...o...g...i...s...t
主持: 岩啦! 咁你知唔知點解呀?
小朋友B: 考古學家。
主持: 咁「考古學」點串呀?
小朋友B: 「考古學」無得串稼wor, 淨係可以寫出黎稼ja, 中文無得串。
主持: 呀哈哈......我錯! 我錯! 係我唔好!


我越黎越鐘意聽收音機!

我想去桂林

現在有了經濟收入, 又有了相機和鏡頭, 真的好想四圍去去, 影下相, 散下心。

我突然想起了很細個時的一首歌《我想去桂林》, 是國內歌曲, 當時只知好聽, 有句歌詞「我想去桂林呀, 我想去桂林, 可是有時間的時候, 我卻沒有錢; 我想去桂林呀, 我想去桂林, 可是有了錢的時候, 我卻沒時間」。

現在終於明了。

又黎啦....

2009年7月26日(日)

放完暑假啦, 開學啦, 值得開心。

今個星期又返足七日, 其中星期六朝早10點出門口返學傾project, 晚上返屋企食完飯, 8點返公司做野, 做到11點........

今日11點返公司, 做到8點半先走.....唉, 點解經常會咁?

今日中午突然心血來潮, 走去公司附近一間叫Sushi Express的sushi店食sushi, 第一次單人匹馬去食日本野! 做得咁辛苦, 點都要對自己好d! $61食左一個三文魚手卷, 兩舊鰻魚sushi, 一碗牛肉烏冬, 七成飽啦。

想去書展都無時間....

希望下個月會好d啦, 總係希望明天會更好。

由電視到電台

自從開始溫cfa後, 我就再無在家打開過電視, 老豆晚上鐘意聽雷霆881, 於是我都聽埋一份, 由「左右大局」, 「杏林茶」, 「一人一大學」到「串」。我開始喜歡聽電台, 因為原來電台帶出的有用資訊, 比電視多N倍!

$129的真正價值

早前在網上買了一部只需$129的2GB無牌mp3幾, 無說明書, 咩都無, 咩都靠摸, 連包裝都無, 哈, 剛買回來, 連充電都成問題, 操作又不熟, 還以為這$129白白浪費了。後來問了賣家, 懂得了基本操作, done。這部mp3機聲稱可連續用16小時, 但發覺只能用4小時左右。好彩它是用USB充電, 可插在電腦充電。

這兩個月的超級繁(也是煩)忙的工作, 真是叫人很沮喪, 每日(連星期六日)16小時待在office, 如果沒有音樂的陪伴, 我想我的EQ要降到零! 日間時間當然不能聽歌, 7點後, 人人都走了, 星期六日也是, office沒有人, 我把mp3機連接喇叭仔, 而喇叭仔又是用USB取電, 於是就可以在office播歌。聽喜歡的音樂真是令人輕鬆, 真是要多謝這些音樂創作人。音樂伴我與煩悶作戰, 這就是這部$129 mp3機的價值。

---[我的電子產品價值觀] -------------------------

為何我要買一部這麼平的mp3機, 其實是有原因。

好多年前的一個電視節目, 改變了我對電子產品的價值觀。電子產品都是liabilities, 不是assets, 而且貶值得極快。還記得當年實習, 第一個月出糧$5,000, 就買了一部Creative(都算好品牌)1GB的mp3機, 要$1280! 約5年後的今天, 有品牌的mp3機, 2GB只需$5xx, 而無品牌的, 最平就是我那部, 哈哈, $129, 所以我原意就是預它的壽命1年, 1年後又可以用相約價錢, 買一部更好的, 一年換一部, 更化算! 所以現時這部機, 我都是粗用, 絕不"錫身"。

我會因應我的需要而買電子產品, 例如聽歌, 它只要提供這個功能就可以了, 因為我上一部mp3機, 有錄音, 有收音機功能, 而這些就是當初吸引我去買的原因, 但到最後竟然沒有用過這些功能!

買這些產品一定要買很平的, 因為"買部好d, 用耐d, 更有數為"的想法是很天真的, 電子產品的一大特色就是今天它值$1000, 明年今日它只值$500, 兩年後更可能不值錢! 而且明年今日的$500產品, 其功能會比今天的$1000的產品還要好!

另外, 即使要買, 也盡量買二手, 因為二手的價錢隨時都可以比一手價錢平20%至30%。當然, 要識選擇, 有時還要看運氣, 要承擔一些風險。我買相機與鏡頭, 從未買過一手, 都是二手的, 平均折扣比當時的一手價錢高20%, 而這些二手產品的質素和一手的沒有分別, 連外觀都及得上一手新淨。so far我共買了$18750二手攝影器材, 而一手價卻要$24760, 足足平了25%! 即使相機背包, 幾個月前見到一個超筍的offer, 只需$500就可以買一手的$1000的背包, 而現時也絕少二手價可以這麼低。都是那句, 質地都新得和一手一樣。