隨筆

2010年2月25日

今天要交論文第二稿,仍未做完...本想中午完成, 但公司又有緊急任務, 由於一向由我跟進, 唯有放棄午飯休息時間...今晚又公司第一次週年晚會, 早前答應了做攝影師, 但後來得知原來是星期四, 要上堂, 但一來應承了人, 二來又想試下宴會攝影, 於是決定放棄上堂, 同時等於放棄了900元...

今日做helper的是沒有機會和一般員工坐在一起食, 即是我們要提早食, 食甚麼? 燒味飯之類的啦, 當然不是菜單上的菜! 本來我們是5點就要食, 因為晚上沒時間食. 唉, 但老板不放人, 要我做完先走, 即是我不能趕去吃helper飯, 連helper飯都沒得吃! 好了, 6時半, 連大老板都拉大隊去了, 我好灰地對老板說:"不如明天才做啦, 反正做起都無人睇了.", 老板見大老板都走了, 唯有一齊走. 無奈...

去到場地, 其他helper一早食完飯, 哇, 灰爆, 咁我點算? 好彩有得單點一碟揚州炒飯, 唯有自己"躲"在一旁吃完才"開工". 碟揚州炒飯竟是2人份量, 不過我實在太肚餓, 埋頭怒吃; 後來發現原來我旁邊是新娘房, 即有地方坐著吃, 當然入去吃. 原來裡面站著個DJ梁奕倫, 他是今晚公司請來的司儀. 他有他站著準備, 我有我坐在他旁邊吃.

然後開始影相啦, 席間我的同事都叫我食塊雞, 飲碗湯, 食條菜, 真係好感動, 不過我當時正在開工, 對他們說:"邊開工邊吃, 好不專業", 所以我沒有吃, 其實也沒有時間吃, 因為要捕捉每個鏡頭. 不過當晚真是很大挑戰, 酒樓的燈光很暗, 很難影! 由於我吃飽了炒飯, 不肚餓.

2月26日

突然收到壞消息, 說新加坡大老板會重新做過一份ppt, 即是說昨日累到我"無啖好食"的趕工完全白費, "請你好好放低"..... 下午, 收到email, 所有helper星期一晚會有個慰勞宴, 睇個勢會去一間酒店食buffet dinner, 每位$469!! 真係一世人都唔會有機會食那種! 然後大老板說星期一才有ppt的template, 加上新加坡大老板叫全世界那天放下所有工作, 專心準備趕那份ppt, 而且只有一天時間做....即是說, 我可能無得去食buffet?!

人生不如意事十常八九......摶了一年, 換來nothing; 星期六日都要加班; 加班又沒有加班費; 工作壓力又大, 人工又奀; 無得去上堂; 又無啖好食.....我唔去食buffet, 我仲係人黎o既! 我怎能不愛上黃子華? 應到呀.....

2月27日

今日是星期六, 終於可以完成論文第二稿, 但質量自覺麻麻地, 不過交了先算, overdue了兩日, 不知會有甚麼punishment, 都預左會被扣分......