好多野做啊!

真係好多野做啊!! 痴q線! 今晚放工前, 個心突然好想拿起個keyboard一野歐落個mon到, 出去等lift, 一腳踢去lift門, 仲有想破壞公物, 真係好鏈燥。請你好好放低!!

昨晚朗咸平突然要我地present, 點知佢完全唔buy我地個content, 唉, d組員都覺得一直俾個TA點緊, 又要從零開始。不過, 今次朗咸平親自同我地俾意見(其實係插我地), 如果俾著一個月前, 真係頭都dup晒, 但今次我好開心, 因為佢講d野, 唔係我諗唔到, 正好兩日次有呢d概念, 但無奈真係無時間做。我於是話我真係無時間, 佢話我呢個係最差的借口, 相反, 正是越大壓力, 越無時間, 越能做到成績, 就越能顯出你的能力與價值。呢句係真, 好認同, 朗咸平直接袋錢入我袋, 哈, 我覺得好有福。佢話我time management做得唔好。唉, 佢真係唔明, 我每日9時上班, 晚上9時後才下班, 食完飯都10點幾, 星期六日又要返工, 又要返學, 仲邊有時間俾我manage? 屬於我的時間都已經無咩啦....., 又點做time management.....? 正如一個無錢的人, 點做wealth management? 不過, 真係好開心聽佢插, 忠言逆耳。

我地d組員都好同情我, 深知我地唔係time management做得差, 只係我地跟本找不到方向。朗咸平親自suggest topic俾我地, 教我地應該點做research, 雖只短短幾句, 但已獲益良多! 今次我做group leader, 由一開始就已take risk, 因為做得好, 證明你有能力; 做得差, 朗咸平只會說你無能力領導一個team! 所以我已經預左最壞的事情發生: 就是leader負所有責任, 就肥你leader一個, 不關其他人事。今次99%都肥稼啦, 但真係一生人中fail得最開心的一次, 因為過程真係學左好多野!

前幾晚公司請左詹瑞文為全部員工講talk, 一句好岩聽: Enjoy your failure! 原來我地人越大, 越怕失敗。而我地一出世, 反而enjoy our failure! 嬰兒由爬行到學會走, 正是不斷跌低, 不斷再爬!

挨多兩個星期啦, 完晒呢兩個course, 就可以休息一陣啦....兩個星期後又一條好漢!

2009年, 真係唔好過...........................................但又真係so far經歷過最多事情, 學到最多的一年。