恢復小小手感

星期六, 又係打波日。學習工作都好沉重, 但唔理3721, 打左先算!

今日四缺一, 不能打雙打, 只可以打單打, 三個人, 打三個set, 老規矩。

今日手感好了少少, 起碼打出幾個winner, 個unforced error仲係唔少, 原因係我要改變打法, 慢慢改打進攻型, 玩control, 玩落點。以前接發球係擋返過去就算, 但依家會主動抽過去, 除非球速真係太快, 否則都會嘗試抽過去, 落網去界一回事。

第一set對eddie, 雖然係3-6輸左, 但好開心, 因為有幾球漂亮的, 而且由於改打進攻型, 開始主動上網。心態上改變左, 好開心。但最唔開心就係發球d手感仲未恢復, 竟然有好多double fault。

第二set對lleyton, 雖然6-0送了一隻蛋俾lleyton, 但好似無咩winner, 都係佢發球失誤和好多unforced error, 其實係佢自己kill自己。

由於每set都打得好快, eddie同lleyton打多一set, 點知lleyton好似上身咁, 打到eddie服晒, 雖然eddie最後以7-5贏左, 但其實只係差那一個細分, 佢地就可以打tie break, 到時鹿死誰手都未知。我做球證和觀眾, 都睇得好過癮!

打完3個鐘, 好累。但我最愛打2號場係因為打完可以去seafront食碗車仔面, 飲埋淡湯, 補充返d鹽份, 哇, 真係感覺到咩叫身心愉悅。